Otsailaren 10etik 21era, mediatekak Josette Manterolaren lanen erakusketa bat errezibituko du, eta karia hortara, artistak haurrentzako tailerrak eskainiko ditu.

Chalosse eskualdean sortua, pinu, txilar eta erreka paisaia baten bihotzean, artistak haurtzarotik garatzen du naturarekiko lotura intimo bat, bere sormen izpiritua pizten duen iruditeria iturri. Bere ibilbide artistikoa, ondoren, hainbat esploraziok markatu dute (zeta gaineko pintura, olio-pintura, collageak, paper eta ehun birziklatuen eta harea bezalako materialen erabilera), eta topaketez josia izan da, bereziki Ousseynou Sarr margolari senegaldarrarekin. Ibilbide berezi horrek elikatzen duen bere lana aurkezten du erakusketak, eta pixkanaka bere lengoaia plastikoa zabaldu du.

Otsailaren 14an eta 21ean, larunbatetan, 10:00etan, Josette Manterolak mastekatutako paperezko animalien fabrikazio tailerra emanen du 6 urtetik goitiko haurrentzat.

⇒Derrigorrez, eman behar da izena, online edo liburuzainekin.